اللہ، (وہ ہے کہ) جس کے سوا کوئی معبود نہیں، زندہ ہے اور ہر چیز کو قائم رکھنے والا ہے، نہ اسے کبھی اونگھ پکڑتی ہے نہ نیند، جو کچھ آسمانوں میں ہے اور جو کچھ زمین میں ہے سب اُسی کا ہے، کون ہے جو اس کے پاس اس کی اجازت کے بغیر سفارش کر سکے، وہ جانتا ہے جو کچھ اُن کے سامنے ہے اور جو کچھ اُن کے پیچھے ہے، اور وہ اُس کے علم میں سے کسی چیز کا احاطہ نہیں کر سکتے مگر جتنا وہ چاہے، اُس کی کرسی آسمانوں اور زمین کو گھیرے ہوئے ہے، اور اُن دونوں کی حفاظت اُسے تھکاتی نہیں، اور وہی سب سے بلند، بڑی عظمت والا ہے۔۔
رسول اُس ہدایت پر ایمان لایا ہے جو اُس کے رب کی طرف سے اُس پر نازل ہوئی ہے اور سب مؤمن بھی۔ یہ سب اللہ اور اُس کے فرشتوں اور اُس کی کتابوں اور اُس کے رسولوں پر ایمان لائے اور اُن کا قول یہ ہے کہ:
"ہم اللہ کے رسولوں کے درمیان کوئی تفریق نہیں کرتے، ہم نے حکم سنا اور اطاعت قبول کی۔ اے ہمارے رب! ہم تیری بخشش طلب کرتے ہیں اور ہمیں تیری ہی طرف لوٹ کر جانا ہے۔"- اللہ کسی شخص پر اُس کی وُسعت سے زیادہ تکلیف نہیں ڈالتا، ہر شخص نے جو نیکی کمائی ہے اُس کا پھل اُسی کے لیے ہے اور جو بُرائی سمیٹی ہے اُس کا وبال اُسی پر ہے۔
اے ہمارے رب! ہم سے بھول چوک میں جو قصور ہو جائیں اُن پر گرفت نہ کرنا، اے ہمارے رب! ہم پر وہ بوجھ نہ ڈال جو تُو نے ہم سے پہلے لوگوں پر ڈالے تھے، اے ہمارے رب! جس بار کو اُٹھانے کی طاقت ہم میں نہیں ہے وہ ہم پر نہ رکھ، ہم سے درگزر فرما، ہمیں بخش دے، ہم پر رحم کر، تُو ہمارا مولا ہے، کافروں کے مقابلے میں ہماری مدد فرما۔
کہو ، میں پناہ مانگتا ہوں صبح کے رب کی ،ہر اس چیز کے شر سے جو اس نے پیدا کی ہے ۔ اور اندھیری رات کے شر سے جب وہ چھا جائے۔اور گرہوں میں پھونکنے والیوں کے شر سے۔ اور حسد کرنے والے کے شر سے جب وہ حسد کرے۔
کہو میں پناہ میں آتا ہوں تمام انسانوں کے رب کی۔ لوگوں کے بادشاہ کی۔لوگوں کے معبود کی۔ وسوسہ ڈالنے والے کے شر سے، جو ہٹ ہٹ کر آنے والا ہے۔ وہ جو لوگوں کے سینوں میں وسوسہ ڈالتا ہے۔ جنوں اور انسانوں میں سے۔
Surah An-Naas
6Night
اَللّٰهُمَّ بِاسْمِكَ أَمُوْتُ وَأَحْيَا
اے اللہ! میں آپ ہی کے نام سےمرتا اور زندہ ہوتا ہوں۔
اے اللہ! میں نے اپنی ذات کو آپ کے سامنے جھکادیا ،اپنا رُخ آپ کی جانب پھیر دیا ،اپنے تمام اُمور کو آپ کے حوالے کردیا ،اپنی پیٹھ آپ کی طرف کردی ،آپ کی رغبت رکھتے ہوئے اور آپ سے ڈرتے ہوئے ،آپ کے سوا کوئی جائے پناہ اور کوئی جائے نجات نہیں ،میں آپ کی نازل کردہ کتاب پر اور آپ کے بھیجے ہوئے رسول پر ایمان لایا ۔
تیرے ہی نام سے میں نے اپنا پہلو(بستر پر)رکھا اور تیرے ہی نام سے میں اسے اُٹھاؤں گا، اے اللہ ! اگر تو میری روح کو (اپنے پاس )روک لے(یعنی موت دیدے ) تواُس پر رحم کرنا اور اگر اُسے چھوڑدے تو اُس کی حفاظت کرنا جیسے تو اپنے نیک بندوں کی حفاظت کرتا ہے
ترجمہ:اے اللہ! آپ ہی نے میری ذات کو پیدا کیا ہے اور آپ ہی اُس کو وَفات دیں گے،آپ ہی کے قبضہ میں اُس کی موت اور زندگی ہے،(اے اللہ!)اگر آپ اُسے زندہ رکھیں تو اُس کی حفاظت کیجئے گا اور اگر اُسے موت دیدیں تو اُسے معاف کردیجئے گا اے اللہ! میں آپ سے عافیت کا سوال کرتا ہوں۔
ترجمہ:تمام تعریفیں اللہ کیلئے ہیں جس نے ہمیں کھلایا ،پلایا ،ہمیں کفایت بخشی اور ہمیں ٹھکانا دیا ، پس کتنے ہی ایسے ہیں جن کیلئے کوئی کفایت کرنے والا اور کوئی اُنہیں ٹھکانا دینے والا نہیں ۔
اے اللہ! اے آسمانوں اور زمینوں کے اور ہر چیز کے پروردگار!اے دانے اور گٹھلی کو پھاڑنے والے اور تَورات ،اِنجیل اور قرآن کریم نازل کرنے والے اللہ!میں تیری پناہ چاہتا ہوں ہر اُس شر رکھنے والی چیز کے شرسے جس کی پیشانی تیرے قبضہ قدرت میں ہے۔ تو ہی اوّل ہے ، تجھ سے پہلے کوئی نہیں ،تو ہی آخر ہے ،تیرے بعد کوئی نہیں ،اور ظاہر ہے ،تجھ سے اوپر کوئی نہیں ،اور باطن ہے ،تیرے علاوہ کوئی نہیں ،اے اللہ میرا قرض اداء کردے اور مجھے فقر سے (نکال کر)غنی بنادے۔
اللہ کے نام ہی سے میں نے اپنا پہلو (بستر پر)رکھا،اےاللہ! میری مغفرت فرمادے،میرے شیطان کو ذلیل کردے،میری گردن(ہر قسم کے قرض وغیرہ کے حق اور جہنم کی آگ سے)چھڑادے اور مجھے اَعلیٰ طبقہ میں شامل کردے۔
تمام تعریفیں اللہ کیلئے ہیں جس نے مجھے کفایت بخشی،مجھے ٹھکانا دیا ،مجھے کھلایا اور پلایا ،اور جس نے مجھ پر احسان کیا اور خوب کیا،اور جس نے مجھے عطاء کیا اور خوب دیا ، ہر حال میں اللہ کیلئے تمام تعریفیں ہیں ۔اے اللہ! اے ہر چیز کے پروردگار اور مالک اللہ!ہر چیز کے معبود اللہ! اے اللہ میں جہنم کی آگ سے تیری پناہ چاہتا ہوں۔
